Kina që regjistron numrin më të lartë të duhanpirësve në botë, po planifikon të ashpërsojë legjislacionin për cigaret elektronike, pasi gjiganti aziatik beson se konsumimi i cigareve elektronike është një formë tërheqje e adoleshentëve drejt duhanpirjes.
Vendi numëron mbi 300 milionë duhanpirës dhe një burrë në dy mund të cilësohet i varur nga duhani.
Sipas OBSH-së, çdo vit duhanpirja shkakton vdekjen e një milion personave.
”Kuadri ligjor i cigareve elektronike duhet të forcohet në mënyrë të ashpër”, deklaroi Mao Qunan, shefi i Departamentit të Planifikimit të Komisionit Kombëtar të Shëndetit (CNS).
Konsumi i cigareve elektronike, i konsideruar si më pak i dëmshëm se duhani është duke fituar një numër të rritje të konsumatorëve në të gjithë botën, por po has ende vështirësi për t’u përhapur në Kinë.
