Militantët talibanë sulmojnë sërish forcat afgane - Bota Sot
Militantët talibanë sulmojnë sërish forcat afgane

Azia

Militantët talibanë sulmojnë sërish forcat afgane

Më: 2 gusht 2019 Në ora: 15:58
Foto ilustrim

Zyrtarët lokalë njoftuan, se të paktën 10 policë afganë janë vrarë, gjatë një sulmi të talibanëve, në një pikë kontrolli, në provincën Daikundi të Afganistanit.

Guvernatori i provincës, Anwar Rahmati, tha se 15 policë të tjerë janë plagosur gjatë sulmit.

Zëdhënësi i talibanëve, Qari Yusouf Ahmadi, tha se grupi e mori përgjegjësinë për sulmin, por nuk dha detaje të tjera.

Dhuna e fundit ndodhë përderisa militantët talibanë përgatiten të takojnë të dërguarin e SHBA-së në Afganistan, Zalmay Khalilzad, për një rund tjetër bisedimesh, në përpjekje për gjetjen e një zgjidhjeje paqësore të luftës gati 18-vjeçare.

Talibanët refuzojnë të negociojnë drejtpërdrejt me qeverinë e Kabulit, pasi ata e konsiderojnë atë si “kukull të perëndimit”.

Shtetet e Bashkuara janë të gatshme të tërheqin një numër të madh të trupave amerikane nga Afganistani nëse talibanët bien dakord të fillojnë negociata të drejtpërdrejta me qeverinë e Kabulit, kanë raportuar mediat amerikane.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...