Kryeministri indian mbron vendimin për Kashmirin - Bota Sot
Kryeministri indian mbron vendimin për Kashmirin

Azia

Kryeministri indian mbron vendimin për Kashmirin

Më: 8 gusht 2019 Në ora: 18:43
Kryeministri indian, Narendra Modi.

Kryeministri indian, Narendra Modi është paraqitur në median shtetërore për të mbrojtur vendimin e tij kontravers për t’i tërhequr statusin special, pjesës së Kashmirit që administrohet nga India.

Modi ka thënë se është duke nisur “epokë e re” për këtë rajon.

Kjo zonë është bllokuar nga nata e së dielës, duke përfshirë ndërprerje të linjave telefonike dhe atyre të internetit, si masë parandaluese për ndonjë pëshkallëzim të situatës.

Kjo pasi, si India ashtu edhe Pakistani kanë pretendime për rajonin e Himalajeve.

Ky ka qenë adresimi i parë i Modit, prej kur është bërë e ditur të hënën se Parlamenti Indian ka anuluar Artikullin 370 nga Kushtetuta, që i garantonte Kashmirit një status special.

Modi i ka bërë këto deklarata në një transmetim në radio dhe televizion, pasi këto janë platformat e vetme që janë duke funksionuar aktualisht për banorët e Kashmirit.

Fjalimi i Modit ka ardhur në një kohë të paqëndueshme. Ndonëse disa indianë kanë mirëpritur vendimin e Qeverisë Indiane, të tjerë kanë thënë se ky veprim është jokushtetues.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...