Facebook pezullon "chat-botin" e kryeministrit izraelit - Bota Sot
Facebook pezullon "chat-botin" e kryeministrit izraelit

Azia

Facebook pezullon "chat-botin" e kryeministrit izraelit

Më: 17 shtator 2019 Në ora: 18:38
Benjamin Netanyahu

Facebook ka pezulluar një "chat-bot" në llogarinë e kryeministrit të Izraelit Benjamin Netanyahu, pasi ka shkelur ligjin që ndalon sondazhet e opinionit publik gjatë ditëve para mbajtjes së zgjedhjeve.

Kjo është hera e dytë brenda një javë që Facebook ka ndërmarrë veprime kundër faqes së Netanyahu, i cili përdor një veçori të automatizuar bisede për të komunikuar me ndjekësit, raportoi AP.

Javën e kaluar, Facebook sanksionoi faqen e kryeministrit izraelit për shkeljen e një ndalimi të gjuhës së urrejtjes në rrjetin social.

Në një deklaratë të sotme, Facebook tha se kishte pezulluar chat-bot për shkelje të ligjit vendor derisa qendrat e votimit në Izrael u mbyllën sot.

Në një video të postuar në Facebook, Netanyahu e quajti masën "jo proporcionale" dhe "të padrejtë", duke pretenduar se partia e tij Likud ishte në shënjestër të komisionit zgjedhor të vendit.

Bëhet fjalë për një asistent virtual që falë inteligjencës artificiale, iu përgjigjet me mesazhe kërkesave të përdoruesve.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...