Një infermiere në Pakistan është arrestuar pasi dyshohet se ka vjedhur një fëmijë për t’i dhënë tezes së saj pa fëmijë.
Vajza e vogël u mor menjëherë pas lindjes nga një spital në Balochistan, në jug-perëndim të vendit.
Por familja fillimisht nuk ishte në dijeni të zhdukjes së saj pasi askush nuk zbuloi që nëna e saj kishte lindur binjakë.
Ata e mësuan të vërtetën kur nëna e vajzës rifitoi vetëdijen dhe e pyeti ku ishte "vajza tjetër", tha kunati i saj për BBC.
Abdul Hamid e kishte çuar Jamamila Bibin që të lindte foshnjet në spitalin në Loralai, rreth 60 km në jug-perëndim të fshatit të tyre, njoftoi policia.
Pas lindjes, familjes së Jamila Bibit iu dorëzua një vajzë e vogël dhe i tha që ta merrte pacienten në shtëpi, pasi ajo po bëhej mirë.
Sidoqoftë, Jamila Bibi mbeti në një gjendje gjysmë të ndërgjegjshme për dy ditët e ardhshme. Gjatë kësaj kohe, binjaku që kishte marrë me vete në shtëpi ndërroi jetë.
Dhe pastaj, pasi mori veten, nëna e re zbuloi diçka që e tronditi familjen.
