Fotografi të një fisi kanibal të izoluar që dyshohet se vranë dhe hëngrën një trashëgimtar të familjes Rockefeller gati 60 vjet më parë, janë shfaqur në publik.
Fotografitë tregojnë burrat, gratë dhe fëmijët e popullit Asmat, të njohur për sakrificat dhe ritualet e tyre.
Fotografi Gianluca Kyodini, 41 vjeç, vizitoi këtë fis në Guineja e Re, tani pjesë e Indonezisë, përkundër zërave që ata kishin ngrënë Michael Rockefeller në vitin 1961.
Autori Carl Hoffman beson se ai ka fotografinë më të afërt të asaj që ndodhi me trashëgimtarin e Rockefeller, dhe ka dhënë detaje në librin e tij “Savage Harvest”, raporton The Dream.
Michael, djali i një prej burrave më të pasur të Amerikës në moshën 23-vjeç, u fut në telashe kur anija e tij u fundos përgjatë bregdetit të Guinesë Jugperëndimore, të cilën ai e eksploroi në kërkim të thesarit.
Ai notoi për 16 kilometra dhe pasi u kthye përfundimisht në breg, njëri nga anëtarët e fisit e goditi me shtizë. Djali i guvernatorit të atëhershëm të Nju Jorkut Nelson Rockefeller, u godit në qafë dhe u vra në vend.
Asmatët kanë kaluar shekuj me radhë duke gjuajtur armiqtë e tyre dhe duke ua hequr kokën.
Ata jo vetëm që gjuanin për kafkat, por edhe i adhuronin. Kjo praktikë u ndërpre në vitet 1990.
Një arsye tjetër që Hoffman beson se fisi hëngri Rockefeller është pasi, nëse ai do të ishte mbytur, ekipet e shpëtimit do ta gjenin. Ai gjithashtu kishte me vete karburant që nuk u gjet kurrë. Hoffman gjithashtu theksoi se peshkaqenët rrallë sulmojnë njerëzit dhe se kurrë nuk ka pasur ndonjë rast në zonë.
Pas zhdukjes së Michael, familja Rockefeller shkoi në Guinea e Re dhe e kërkoi për më shumë se një javë. Presidenti i atëhershëm John Kennedy dërgoi ngushëllime familjes, duke ofruar mbështetje. Në ditën e nëntë familja u kthye në shtëpi, dhe kërkimi u ndërpre.
