Kinës i kërkohet të ndalojë shitjen e kafshëve të egra që përdoren për ushqim, pas shpërthimit të virusit - Bota Sot
Kinës i kërkohet të ndalojë shitjen e kafshëve të egra që përdoren për ushqim, pas shpërthimit të virusit

Azia

Kinës i kërkohet të ndalojë shitjen e kafshëve të egra që përdoren për ushqim, pas shpërthimit të virusit

Më: 25 janar 2020 Në ora: 15:19
Foto

Shpërthimi i një virusi të ri të lidhur me një treg të kafshëve të egra në Kinën qendrore, detyroi të bëhen sërish thirrje për zbatimin e ligjeve kundër tregtisë dhe konsumit të specieve ekzotike.

Me këtë rast, janë bërë edhe krahasime me rastin e njëjtë që ndodhi në vitet 2002 dhe 2003 kur shpërtheu virusi SARS në Guangzhou, i shkaktuar nga konsumi i kafshëve të egra.

Kërkesa për kafshë të egra në Azi, veçanërisht Kinë, po nxiton zhdukjen e shumë specieve, një problem të cilin autoritetet nuk po arrijnë ta ndalojnë, pavarësisht rreziqeve në rritje të një pandemie globale.

Në përgjigje të krizës që është përqendruar në qytetin industrial të Wuhan, Ministria e Bujqësisë së Kinës lëshoi një urdhër në fillim të kësaj jave, duke urdhëruar kontrolle të shtrënguara mbi tregtinë me këto specie.

Urdhri i lëshuar nga ministria me datë 21 janar, ndaloi të gjitha dërgesat e kafshëve të egra nga Wuhan, derisa është bërë thirrje për të rritur inspektimet dhe rritjen e ndërgjegjësimit të publikut për rreziqet e ngrënies së tyre. 

Shfaq komentet
comments powered by Disqus
Sot mund të lexoni Shfletoni kopertinat