Më shumë se 700.000 njerëz janë zhvendosur nga rajoni veri-perëndimor i Sirisë, që nga dhjetori, për shkak të një sulmi të vazhdueshëm të forcave qeveritare, thanë të enjten Kombet e Bashkuara.
"Kjo zhvendosje e fundit përbën një situatë tashmë të rëndë humanitare në në Idlib", tha për agjencinë DPA, David Swanson, një zëdhënës i Zyrës së Kombeve të Bashkuara për Koordinimin e Çështjeve Humanitare (OCHA).
Sipas zyrtarit të OKB-së “qytetet e tëra në rajonin e Idlibit, janë zbrazur pasi një numër në rritje i civilëve po ikin drejt zonave që konsiderohen më të sigurta”.
Rusia dhe Turqia ndërmjetësuan një armëpushim në rajonin e Idlib-it në janar.
Por, dhuna shpërtheu sërish pasi forcat qeveritare të përkrahura nga Rusia dhe Irani kanë zgjeruar fushatën e tyre, për të fituar kontrollin e zonës së fundit që drejtohet nga rebelët në Siri.
Turqia, e cila mbështet rebelët anti-qeveritar, kërcënoi të "godasë kudo" nëse sulmohen trupat e saj.
Ankaraja thotë se 14 ushtarë u vranë në sulmet sirianë në Idlib gjatë dy javëve të fundit.
