Presidenti i Mongolisë, Khaltmaagiin Battulga ka njoftuar se ka filluar një periudhë prej 14 ditësh vetizolimi, si masë paraprake pas zhvillimit të një vizite zyrtare njëditore në Kinë.
Battulga u takua me presidentin kinez, Xi Jinping për të diskutuar mbi strategjinë për të luftuar përhapjen e epidemisë nga koronavirusi.
Qeveria kineze thekson se po bën të gjitha përpjekjet për parandalimin e numrit të infeksioneve, por megjithë përpjekjet, numri i përgjithshëm i viktimave ka arritur në 2 280 persona, ndërkohë që është ulur ai i të prekurve.
