Studiuesit: Numri i të prekurve me Covid-19 në Kinë 4 herë më i lartë se shifrat zyrtare

Azia

Studiuesit: Numri i të prekurve me Covid-19 në Kinë 4 herë më i lartë se shifrat zyrtare

Më: 24 prill 2020 Në ora: 08:44
Ilustrim

Më shumë se 232 mijë persona mund të kenë qenë infektuar në valën e parë të Covid-19 në Kinë , sipas një studimi nga kërkuesit në Hong Kong, shkruan The Guardian.

Kina raportoi mbi 55 mijë të infektuar deri më 20 shkurt sipas studimit të akademikëve në universitetin e Hong Kongut botuar në gazetën Lancet, numri i vërtetë do të ishte shumë më i madh nëse përcaktimi i një rasti Covid-19 që u përdor më vonë do të ishte aplikuar që në fillim.

Kina ka raortuar deri më tani mbi 83 mijë raste. Në të gjithë botën numri i viktimave nga Covid-19 ka shkuar në 191 mijë.

Vlerësimet e reja vijnë pas thirrjeve nga liderë botërorë për një hetim ndërkombëtar mbi origjinën e shpërthimit të koronavirusit, të udhëhequr nga Shtetet e Bashkuara dhe Australia.

Kriteret fillestare të diagnostikimit për identifikimin e sëmundjes, siç e sqarojnë autorët e gazetës, ishin shumë të ngushta dhe u rishikua shtatë herë ndërmjet 15 janarit dhe 3 marsit nga komisioni kombëtar i shëndetit i Kinës, pasi informacioni i ri për sëmundjen u bë i disponueshëm.

Studimi i Hong Kongut analizoi të dhënat deri në 20 shkurt të marra nga misioni i Organizatës Botërore të Shëndetit në Wuhan. Ai vlerësoi se secila nga katër ndryshimet e para rriti proporcionin e rasteve të zbuluara dhe numëruara, midis 2.8 dhe 7.1 herë.

"Në Kinë, zgjerimi i përkufizimeve të rasteve me kalimin e kohës lejoi që një pjesë e madhe e infeksioneve të zbulohen si raste. Numri i vërtetë i infeksioneve mund të jetë akoma më i lartë se sa vlerësohet aktualisht, duke marrë parasysh mundësinë e nën-zbulimit të disa infeksioneve, veçanërisht atyre që ishin të butë dhe asimptomatikë, madje edhe nën përkufizimet më të gjëra". Shkruajnë studiuesit.

commentFirst article
Sot mund të lexoni Shfletoni kopertinat