Komandanti ushtarak i Libisë, Khalifa Haftar ka thënë se forcat e tij do të pushojnë së luftuari gjatë muajit të shenjtë të Ramazanit pas thirrjeve ndërkombëtare për një armëpushim në vendin e shkatërruar nga lufta.
Zëdhënësi i Ushtrisë Kombëtare Libiane (LNA) Ahmed Mismari tha në një transmetim televiziv të enjten se armëpushimi erdhi me kërkesën e bashkësisë ndërkombëtare dhe vendeve miqësore.
“Komandanti i përgjithshëm njofton ndërprerjen e operacioneve ushtarake nga ana e tij”.
Ndërsa në qendrën e kryeqytetit Tripoli i dëgjuan shpërthime pas këtij njoftimi.
Një burim nga rivali i Haftar, Qeveria e Akordit Kombëtar e njohur nga OKB-ja , i tha Al Jazeera se nuk do t’i përmbahej armëpushimit.
Mismari paralajmëroi se shkeljeve nga ana e GNA-së do t’ju përgjigjen menjëherë dhe ashpër.
LNA dhe GNA tashmë kanë thënë dy herë brenda këtij viti se do t’i ndalnin luftimet, por pati një përshkallëzim të mprehtë në luftime muajin e kaluar.
Libia është e ndarë që nga viti 2014 midis GNA-së në Tripoli dhe disa zonave të tjera veriperëndimore dhe një administrimi paralel me qendër në Benghazi në lindje.