Në qytetin kinez Wuhan, ku shpërtheu epidemia e koronavirusit në fund të vitit të kaluar, ndalimi i tregtisë me kafshë të egra është zgjatur, i cili përfshin një ndalim të gjuetisë dhe ngrënies së këtij lloji të kafshëve.
Ndalimi vlen për konsumin e kafshëve të egra dhe atyre ujore që janë në listën e kafshëve të mbrojtura, por edhe ato që rriten në robëri, transmeton BBC.
Në janar, Kina përkohësisht ndaloi tregtinë me kafshë të egra, dhe një muaj më vonë ajo u zgjerua në konsumin e kafshëve të egra.
Ndryshe, besohet se njerëzit në Kinë u infektuan me koronavirus duke konsumuar kafshë të egra.
