Irani do të lehtësojë masat e izolimit - Bota Sot
Irani do të lehtësojë masat e izolimit

Azia

Irani do të lehtësojë masat e izolimit

Më: 23 maj 2020 Në ora: 15:17
Teheran.

Presidenti iranian, Hassan Rohani tha se autoritetet do të lejojnë që të rihapen më shumë biznese, vende kulturore dhe objekte fetare, si pjesë e lehtësimit të masave që u vendosën kundër koronavirusit.

Rohani tha se vendet historike dhe muzetë po ashtu do të hapen duke filluar nga 24 maji, që përkon edhe me festën e Fitër Bajramit.

Ai tha se objektet fetare – ku shumë persona ishin infektuar në fillim kur shpërtheu pandemia – do të rihapen një ditë më pas dhe besimtarët duhet të mbajnë distancë sociale dhe masa tjera për të parandaluar përhapjen e virusit.

Në Iran, sipas Rohanit, po ashtu do të rihapen restorantet dhe do të rinisin ndeshjet sportive, por pa praninë e shikuesve. Ndërkaq, universitetet pritet të rihapen muajin e ardhshëm.

Në Iran, deri më tani 7,359 persona kanë vdekur, ndërkaq 131,652 persona janë infektuar me koronavirus.

Shfaq komentet
comments powered by Disqus
Sot mund të lexoni Shfletoni kopertinat