Protesta në Hong Kong, policia përdor sprej për të shpërndarë turmën e demonstruesve

Azia

Protesta në Hong Kong, policia përdor sprej për të shpërndarë turmën e demonstruesve

Më: 27 maj 2020 Në ora: 11:16
Foto

Policia në Hong Kong ka përdorur sprej për sy për të shpërndarë turmën e demonstruesve në qendër të qytetit, të cilët po protestojnë kundër planit të Pekinit për të aplikuar ligje të reja sa i përket sigurisë

Ata gjithashtu kanë bllokuar ndërtesën e Këshillit Legjislativ, ku do të duhej të diskutohej për këto ligje të shumëpërfolura.

Demonstruesit në Hong Kong paralajmërimin e këtyre ligjeve po i cilësojnë si ndërhyrje të ashpër të Partisë Komuniste kineze në autonominë e Hong Kongut, derisa Pekini zyrtar po i mohon kategorikisht këto akuza.

Liderja e Hong Kongut, Keri Lam, ka deklaruar se ligji për siguri kombëtare nuk do t’i shkel të drejtat dhe liritë e banorëve të Hong Kongut.

“Jemi një shoqëri e lirë, njerëzit janë të lirë të shprehen dhe thonë çfarë të duan”, ka shtuar ajo. 

commentFirst article
Sot mund të lexoni Shfletoni kopertinat