Një qytet veri-lindor kinez me 2.8 milionë banorë është goditur me një valë të re të rasteve nga koronavirusi, ndërsa zyrtarët po përpiqen të identifikojnë burimin e panjohur të përhapjes.
Sipas mediave të huaja, qyteti i Mudanjiang në provincën Heilongjiang ka regjistruar 11 raste asimptomatike, shtëpiake në tre ditët e kaluara, duke bërë që autoritetet lokale të ndërpresin transportin publik.
Stacionet hekurudhore u mbyllën dje, ndërkaq fluturimet e brendshme dhe ato ndërkombëtare u anuluan të gjitha. Shkollat i pezulluan orët e mësimit dhe i dërguan studentët në shtëpi.
Zyrtarët e qytetit ende nuk kanë lëshuar një njoftim zyrtar sa i përket mbylljes së të gjitha komplekseve të banimit, mirëpo qytetarët kanë pohuar se objektet e tyre janë vendosur nën izolim.
