Një vajzë e vogël që kishte mbetur vetëm në shtëpi, ka arritur që ta mashtrojë vdekjen kur ngeci e varur në ballkonin e apartamentit në një lartësi prej mbi 120 metrave.
Kinezja 5-vjeçe po qëndronte jashtë rrethojës mbrojtëse të ballkonit të apartamentit të katit të 13-të, derisa zjarrfikësit arritën në vendin e ngjarjes.
Madje njëri prej tyre nuk hezitoi që të lëshohet me litar nga kati më i lartë, për ta shpëtuar vogëlushen që kishte filluar të humb forcën në duart që i kishte vënë në rrethojë të ballkonit.
Ngjarja ka ndodhur në Kunming në provincën kineze Yunnan. E mediat lokale raportojnë se vogëlushja kishte qëndruar e varur për më shumë se 10 minuta.
Vajza kishte mbetur vetëm në shtëpi, pasi që e ëma e saj kishte zbritur poshtë për të blerë artikuj të ndryshëm ushqimor.
E nga kureshtja e madhe kishte dalë në ballkon për të parë se çfarë ka, dhe në një moment kishte rrëshqitur duke dalë jashtë ballkonit.
