Ministri i Shëndetësisë së Nju Dehli, kryeqyteti i Indisë, është shtruar në spital, pasi ka shfaqur simptomat e Covid-19. Lajmin e konfirmoi vetë Jain Satyendar, përmes një mesazhi në “Twitter”.
“Duke parë temperaturën e lartë dhe një ulje e papritur e nivelit të oksigjenit në gjak, u shtrova në spitalin e Rajiv Gandhi. Së shpejti do t’ju jap të tjera informacione”, shkruan ministri indian i shëndetësisë.
Në 24 orët e fundit, në Indi, janë regjistruar më shumë se 10 mijë raste të rja me koronavirus. Numri në total i të prekurve me Covid-19 në Indi ka kaluar 343 mijë, ndërkohë që numërohen 9,900 të vdekur nga virusi.