Coronavirusi mund të ketë qenë kudo nëpër botë, mirëpo u aktivizua “nga kushtet e mjedisit në Kinë” – pretendon një profesor i Oksfordit - Bota Sot
Coronavirusi mund të ketë qenë kudo nëpër botë, mirëpo u aktivizua “nga kushtet e mjedisit në Kinë” – pretendon një profesor i Oksfordit

Azia

Coronavirusi mund të ketë qenë kudo nëpër botë, mirëpo u aktivizua “nga kushtet e mjedisit në Kinë” – pretendon një profesor i Oksfordit

Më: 6 korrik 2020 Në ora: 18:02
Foto Ilustrim

Coronavirusi mund të ketë qenë prezent kudo në botë, mirëpo kushtet e mjedisit në Kinë mund ta kenë bërë atë të shfaqet atje, pretendon një ekspert i Universitetit të Oksfordit.

Sipas mediave të huaja,Tom Jefferson, professor i asociuar nga Qendra të Bazuara në Prova të Mjekësisë (CEBM), në Oksford, dhe disa profesorë të tjerë nga Universiteti Newcastle, thonë se ka dëshmi që virusi të ketë qenë prezent diku tjetër para se të shfaqej në Azi.

“Mendoj se virusi mund të ketë qenë kudo prezent, ai ka qenë i ‘fjetur’, mirëpo u aktivizua nga kushtet e mjedisit”, ka thënë Jefferson.

“Me sa duket edhe temperatura ndikon në aktivizimin e viruseve”, u shpreh Jefferson.

Vetëm javën e kaluar, virologët spanjollë njoftuan se kishin gjetur gjurmë të sëmundjes në mostrat e ujërave të zeza të mbledhura në muajin mars të vitit 2019, nëntë muaj para se sëmundja e coronavirusit të shfaqej në Kinë.

Ndërkohë, shkencëtarët italianë kanë gjetur gjithashtu prova të coronavirusit në mostrat e ujërave të zeza në Milano dhe Torino, në mes të dhjetorit, disa javë përpara se të zbulohej rasti i parë, derisa ekspertët kanë gjetur gjurmë në Brazil gjatë muajit nëntor.

Shfaq komentet
comments powered by Disqus
Sot mund të lexoni Shfletoni kopertinat