Zhduket kryebashkiaku i Seulit, kishte lënë një mesazh që dukej si “testament”

Azia

Zhduket kryebashkiaku i Seulit, kishte lënë një mesazh që dukej si “testament”

Më: 9 korrik 2020 Në ora: 16:15
Seul

Park Won-soon, kryetari i kryeqytetit të Koresë së Jugut, Seul, është zhdukur, pasi la një mesazh gojor që vajza e tij e përshkroi si dukej si testament, sipas policisë.

Kështu, siç raportojnë mediat e huaja, një operacion kërkimi masiv është zhvilluar të enjten.

Policët thanë që po kërkonin për Park në një kodër të vogël në Sungbuk-dong, një rreth në veri të Seulit, ku u zbulua sinjali i tij i telefonit celular.

Ata thanë që telefoni i tij celular ishte aktualisht i fikur.

Vajza e tij e thirri policinë të enjten pasdite dhe tha se babai i saj la një mesazh “si dëshirë të fundit” para se të linte shtëpinë e tyre katër deri në pesë orë më parë, njoftoi agjencia e lajmeve Associated Press.

Vajza nuk sqaroi përmbajtjen e mesazhit, tha një nga oficerët në Agjencinë e Policisë Metropolitane të Seulit që është përgjegjës për operacionin e kërkimit të Park.

Vajza tha që ajo vendosi të telefononte policinë sepse nuk mund të merrte babanë e saj në telefon, tha oficeri, duke kërkuar anonimitet sepse nuk ishte e autorizuar të fliste në media për këtë çështje.

Rreth 150 oficerë, një dron dhe një qen policie janë mobilizuar, sipas policisë.

commentFirst article
Sot mund të lexoni Shfletoni kopertinat