Njihuni me fshatin që mjell 111 pemë sa herë lind një vajzë! - Bota Sot
Njihuni me fshatin që mjell 111 pemë sa herë lind një vajzë!

Azia

Njihuni me fshatin që mjell 111 pemë sa herë lind një vajzë!

Më: 7 gusht 2020 Në ora: 12:36
Rajasthan

Në një vend me paragjykime dhe pabarazi gjinore si India, rituali që ka ndërmarrë një fshat i vogël në Rajasthan ka marrë vëmendjen e gjithë botës. Ndryshe nga një pjesë e mirë e Indisë, banorët e fshatit Piplantri festojnë sa herë që aty lind një bebe vajzë.

Në emër të vajzës që lind, banorët e fshatit bëhen bashkë dhe mbjellin 111 pemë. Së fundmi janë mbjellë 350.000 pemë në këtë fshat. Njerëit e Piplantri po e luftojnë çdo ditë paragjykimin dhe mosrespektimin e grave që ndodh në vende të tjera të Indisë.

Numri 111 është zgjedhur jo rastësisht, pasi në kulturën indiane ky numër do të thotë sukses.

Rituali domethënës nisi kur vajza e drejtuesit të fshatit Shyam Sunder Paliëal u nda papritur nga jeta dhe ai mbolli një pemë në nder të saj.

“Kur humba time bijë, unë kuptova vlerën e vërtetë të një vajze”; është shprehur Shyam

Sot, ai po udhëheqë kauzën për t’u siguruar që vajzat e Piplantri janë të mbrojtura nga lëndimet dhe të arsimuara në mënyrë që të rriten për t’u bërë të pavarura dhe të përmbushura me veten.

Shfaq komentet
comments powered by Disqus
Sot mund të lexoni Shfletoni kopertinat