E tmerrshme: Në Indi, burri pret barkun e gruas shtatëzënë për ta kuptuar gjinin e foshnjës

Azia

E tmerrshme: Në Indi, burri pret barkun e gruas shtatëzënë për ta kuptuar gjinin e foshnjës

Nga: A.Morina Më: 21 shtator 2020 Në ora: 11:54
Foto Ilustrim

Një ngjarje e tmerrshme, ka ndodhur në qytetin verior, Uttar Pradesh, ku një baba i pesë vajzave raportohet të ketë hapur barkun e gruas së tij shtatzënë për të zbuluar nëse ajo ishte në pritje të një djali.

Burri i quajtur Pannalal, tani është në paraburgim policor pas incidentit të rëndë në qytetin verior indian të Uttar Pradesh.

Pravin Singh Chauhan, një zyrtar i lartë i policisë, u tha ekipeve lokale të lajmeve se gruaja ishte lënë e plagosur rëndë në sulm. Ai shtoi se arsyeja e sulmit është ende nën hetim, raporton Newsweek, përcjell "Bota sot".

Sidoqoftë, familja e viktimës tha se i dyshuari tashmë kishte pesë vajza dhe ishte i dëshpëruar për një djalë.

Ata thonë se ai kreu sulmin e përgjakshëm për të zbuluar nëse gruaja e tij po mbante një djalë kësaj here.

Sipas NDTV, gruaja - e cila ishte rreth shtatë muaj shtatzënë - tani është në spital në një gjendje të rëndë.

Përkundër fushatave të shumta qeveritare gjatë viteve, preferenca për djemtë mbetet e fortë midis prindërve indianë.

Shumë prej tyre vazhdojnë t'i shohin djemtë si një investim dhe vajzat si një detyrim.

Një raport kombëtar i vitit 2018 pretendon se rreth dy milion vajza "humbasin" çdo vit për shkak të aborteve të fetuseve femra, neglizhencës dhe ushqyerjes joadekuate.

Shfaq komentet
comments powered by Disqus
Sot mund të lexoni Shfletoni kopertinat