Kina ka publikuar bilancin e 24 orëve të fundit me COVID-19.
Kina raportoi 20 raste të reja COVID-19 më 13 tetor, nga 13 raste një ditë më parë, tha autoriteti shëndetësor i vendit të mërkurën, raporton Reuters.
Komisioni Kombëtar i Shëndetësisë tha se 14 nga rastet e reja ishin infeksione të importuara me origjinë nga jashtë. Gjashtë nga rastet ishin transmetime lokale në provincën Shandong.
Komisioni gjithashtu tha se 18 raste të tjera asimptomatike COVID-19 u raportuan më 13 tetor, krahasuar me 17 një ditë më parë. Kina nuk i llogarit këta pacientë si raste të konfirmuara.
Numri i përgjithshëm i rasteve të konfirmuara COVID-19 në territorin e Kinës tani qëndron në 85,661, ndërsa numri i të vdekurve mbetet i pandryshuar në 4,634.
