Kina ka publikuar bilancin e 24 orëve të fundit me COVID-19.
Kina raportoi 24 raste të reja me COVID-19 më 1 nëntor, njësoj si një ditë më parë, njoftoi të hënën autoriteti kombëtar shëndetësor i vendit, raporton Reuters.
Komisioni Kombëtar i Shëndetësisë tha në një deklaratë 21 nga rastet e reja ishin infeksione të importuara me origjinë nga jashtë dhe tre ishin infeksione lokale të raportuara në rajonin veri-perëndimor të Xinjiang.
Komisioni raportoi gjithashtu 30 raste të reja asimptomatike, krahasuar me asnjë rast të tillë të raportuar një ditë më parë. Kina nuk i klasifikon pacientët pa simptoma si raste të konfirmuara me COVID-19.
Numri i përgjithshëm i rasteve të konfirmuara në territorin e Kinës tani qëndron në 86,021, ndërsa numri i të vdekurve mbetet i pandryshuar në 4,634.
