Numri i të vdekurve në Iran nga pandemia globale është rritur mbi 50,000, sipas televizionit shtetëror, ndërsa vendi po përballet me shpërthimin më të keq në Lindjen e Mesme.
Një bllokim i pjesshëm dy-javor në kryeqytetin Teheran dhe qytete të tjera të mëdha ndihmoi në ngadalësimin, por jo ndalimin e valës në rritje të vdekjeve nga koronavirusi gjatë javëve të fundit.
Presidenti Hassan Rouhani paralajmëroi të shtunën se bllokimi mund të shtrihet në më shumë qytete ose të vendoset përsëri në kryeqytet, nëse njerëzit nuk respektojnë masat shëndetësore.
"Teherani është në buzë të kufirit për të kaluar në zonën e kuqe," tha Rouhani. "Të gjithë njerëzit dhe zyrtarët publikë duhet të përpiqen të zbatojnë masa dhe rregullore."
