Një grua në Singapor është dënuar me pesë muaj burg pasi fshehu takimet e saj me një burrë gjatë periudhës kur ajo ishte infektuar me Covid-19.
Oh Bee Hiok, 65 vjeç, ishte e shqetësuar se familja e saj do të mendonte se ajo kishte një lidhje nëse zbulonte takimet.
Zyrtarët zbuluan daljet pasi shqyrtuan CCTV dhe materiale të tjera.
Singapori përdor masa të rrepta për t’u përpjekur të mbajë nën kontroll situatën nga Covid-19.
Zonja Oh u takua me 72-vjeçarin Lim Kiang Hong pesë herë para se ajo të dilte pozitive për Covid-19 në muajin shkurt.
“Ajo nuk dëshironte që familja e saj ose familja e Lim të mësonin se ata po dilnin kaq shpesh, pasi mendoi se familja dhe miqtë e tyre do të dyshonin se ishin në një lidhje romantike dhe përhapnin thashetheme rreth tyre që ishin në një lidhje jashtëmartesore”-thanë dokumentet e gjykatës.
Kur ajo u shtrua në spital, Znj. Oh foli me shoqen e saj në telefon dhe i kërkoi që të mbante sekrete daljet e tyre.
Lim më pas doli pozitiv me Covid-19 në muajin mars.
Duke përdorur të dhënat e parkimit, deklaratat e kartave të kreditit, të dhënat e thirrjeve dhe CCTV, autoritetet ishin në gjendje të zbulonin takimet midis çiftit.
Gjykatësi i çështjes i quajti arsyet e zonjës Oh për të fshehur daljet “egoiste brenda interesit të ngutshëm publik duhet të kontrollohet pandemia”
Gjatë vendimit të premten, ai shtoi se gjykata duhej të dërgonte një mesazh se fshehja e informacionit nga gjurmuesit e kontaktit ishte “plotësisht e papranueshme”.
Znj. Oh u deklarua fajtore për akuzën e pengimit të përpjekjeve për gjurmimin e kontakteve.
