Të bllokuar qe një jave në minierë, 12 nga 22 punëtorët janë ende gjallë

Azia

Të bllokuar qe një jave në minierë, 12 nga 22 punëtorët janë ende gjallë

Më: 18 janar 2021 Në ora: 12:08
Foto Ilustrim

Mediat shtetërore kineze kanë raportuar se 12 nga 22 punëtorët që ishin bllokuar për një javë në një minierë ari janë ende gjallë. Ata u bllokuan për shkak të një shpërthimi në minierë në provincën Shandong, ndërsa mediat vënë në dukje përpjekjet e ekipit të shpëtimit kundrejt kohës për t’i liruar ata.

Agjencia e lajmeve Xinhua shpjegoi se minatorët arritën të dërgonin një mesazh përmes një pusi shpëtimi natën e kaluar.

Ende nuk dihet fati i 10 punëtorëve të tjerë, të cilët janë të pasigurt. Në shënimin e shkruar me dorë thuhej se katër nga punëtorët u plagosën dhe se kushtet e të tjerëve po përkeqësoheshin për shkak të mungesës së ajrit dhe fluksit të ujit.

Aksidentet në miniera në Kinë nuk janë të pazakonta dhe shpesh janë për shkak të rregullave të dobëta të sigurisë.

Të 22 punëtorët ishin bllokuar në minierën Hushan afër Yantai në provincën Shandong në Kinën lindore më 10 janar, pasi një shpërthim dëmtoi daljen dhe sistemin e komunikimit të minierës, e cila ishte ende në ndërtim e sipër.

Shfaq komentet
comments powered by Disqus
Sot mund të lexoni Shfletoni kopertinat