India kremtoi të martën ditën e themelimit të saj, por paradat në datën e shënuar u anashkaluan nga lëshonin gaz lotsjellës nga ana tjetër e pengesës.
Vetëm qindra metra më tutje, kryeministri Modi dhe pjesëtarët e tjerë të qeverisë festonin Ditën e Republikës duke vëzhguar paradën e forcave të armatosura.
“Ndihemi të fyer si fermerë sepse jemi ata që i sigurojmë vendit ushqimin. Protestojnë me forcë prej muajsh, por nuk po dëgjohemi.”– thotë Ulka Mahajan
“Lëvizja e fermerëve është lëvizje e gjithë Indisë, e pakufizuar në shtete apo distrikte të caktuara. Është kthyer në lëvizje popullore.”
Fermerët indianë protestojnë prej muajsh ndaj ndryshimeve ligjore që përcaktojnë rregulla të reja për shitjen, magazinimin, vendosjen e çmimeve të prodhimeve bujqësore dhe marrëdhëniet mes prodhuesve dhe bizneseve apo supermarketeve.
Sipas protestuesve, me propozimet e saj qeveria po ndërhyn në tregun e tyre të lirë.
Protestat e dhunshme që shpërthyen në kryeqytet.
Mijëra fermerë i hipën traktorëve drejt Nju-Delhit për të vazhduar protestën disamujore dhe dialogun me qeverinë për reformën agrare që ka propozuar kryeministri Narendra Modi.
Policia e lejoi protestën me kushtin që të mos ndërhynte në ceremonitë e ditës, por fermerët e revoltuar shembën barrikadat e ngritura në hyrjet e qytetit, duke u përleshur edhe fizikisht me forcat e rendit.
