Izraeli është duke bërë një hap të madh drejt kthimit në normalitet për shkak të pandemisë.
Për të vizituar palestrat, pishinat dhe hotelet, qytetarët duhet të kenë një kartë digjitale, e cila njihet ndryshe si “pasaporta Covid-19”, ose “pasaporta e gjelbërt”.
Izraelitët që mund ta marrin këtë pasaportë, janë ata që janë vaksinuar kundër koronavirusit, të cilët edhe do të lejohen që të vizitojnë qendrat e kohës së lirë dhe të bëjnë pushime nëpër hotele.
Pasaporta e gjelbër do të jetë në dispozicion për t’u shkarkuar në një aplikacion të drejtuar nga ministria e shëndetësisë, por gjithashtu mund të shtypet në letër, duke lejuar që komuniteti ultraortodoks i apasionuar nga teknologjia të përfitojë nga skema.
“Vaksinimi është një detyrë morale. Është pjesë e përgjegjësisë sonë”, tha Yuli Edelstein, ministri i shëndetësisë, ndërsa zbuloi kartën e vaksinimit. “Kush nuk do të vaksinohet do të mbetet prapa”.
Kufizimet nuk do të zbatohen për muzetë dhe bibliotekat, duke ngritur pikëpyetje nëse ato vende mund të bëhen inkubatorë për virusin, ndërsa dyqanet thelbësore të tilla si supermarkete do të mbeten të hapura për të gjithë.
Shumë blerës të Izraelit tashmë vendosin termometra elektronikë jashtë dyqaneve të tyre për të penguar ata që kanë simptoma të Covid-19 të hyjnë brenda. Dhe, javën e kaluar, restorantet u lejuan të rihapnin dyert e tyre.
Izraeli ka vaksinuar rreth katër milionë qytetarë të saj, ndërsa shumica dërrmuese e moshës mbi 60 vjeç janë vaksinuar plotësisht.
Shkalla e infeksionit në vend mbetet e lartë, ndërsa autoritetet fajësojnë variantin e anglez të koronavirusit.
