Mianmar: Turma të mëdha kujtojnë gruan e vrarë në protesta

Azia

Mianmar: Turma të mëdha kujtojnë gruan e vrarë në protesta

Më: 21 shkurt 2021 Në ora: 16:22
Foto ilustrim

Turma të mëdha njerëzish janë parë në kryeqytetin e Mianmarit (Burmas), Nay Pyi Taw, për funeralin e një gruaje të re, e cila është vrarë në protestat kundër puçit ushtarak.

Mya Thwe Thwe Khaing është qëlluar në kokë, pak para se të mbushte 20 vjet.

Ajo është viktima e parë, nga tri në total, që ka vdekur në protesta.

Mijëra persona kanë dalë nëpër rrugë për ta nderuar atë, duke ngritur lart tre gishta, siç shihen zakonisht protestuesit.

Ushtria ka rrëzuar qeverinë e këtij vendi më herët gjatë këtij muaji.

Premtimet për të mbajtur zgjedhje të parakohshme kanë dështuar që të kënaqin protestuesit, të cilët janë duke kërkuar lirimin e lideres së zgjedhur Aung San Suu Kyi dhe të anëtarëve tjerë të partisë Liga Kombëtare për Demokraci.

Ushtria supozon se fitorja bindëse e kësaj partie vitin e kaluar është manipuluar, ndonëse nuk ka ofruar të dhëna për këtë pretendim.

Mya Thwe Thwe Khaing, punëtore e një dyqani, është plagosur kur ushtria ka tentuar të shpërndajë protestuesit më herët gjatë këtij muaji.

Protestuesit kanë dalë nëpër rrugët e këtij shteti edhe të dielën, pavarësisht se një ditë më parë është raportuar për dhunën më të rëndë prej kur kanë nisur protestat.

commentFirst article
Sot mund të lexoni Shfletoni kopertinat