Në sulmin me raketa balistike që shënjestruan dy zona në Halep humbën jetën 3 civilë dhe 28 të tjerë u plagosën.
Sipas raportimeve nga tereni, raketat balistike shënjestruan rajonin Tarhin të qarkut Al-Bab dhe rajonin Al-Hamran të qarkut Jarablus në kufirin me Turqinë.
Ekzistojnë pajisje për rafinimin e naftës të operuara me metoda primitive në rajonet ku kanë ndodhur sulmet. Shpërthime ndodhën pasi shumë cisterna në zonë morën flakë. Të plagosurit u dërguan në objektet e afërta të kujdesit shëndetësor, ndërsa disa ekipe zjarrfikëse u dërguan në zonë.
Gjithashtu, ekziston frika se mund të rritet numri i viktimave. Në një sulm të ngjashëm me raketa balistike që shënjestroi rajonin Tarhin më 9 shkurt, 2 civilë u vranë dhe 6 të tjerë u plagosën.
Turqia filloi operacionin Mburoja e Eufratit në Sirinë veriore në 24 gusht 2016 për të eliminuar DEASH-in dhe terroristët e tjerë dhe për të ndihmuar kthimin e sigurt dhe vullnetar të sirianëve në shtëpitë e tyre.
Operacioni zgjati 216 ditë dhe përfundoi në 29 mars 2017. Gjatë operacionit, më shumë se 2.600 terroristë të DEASH-it u vranë dhe 413 terroristë u neutralizuan. Gjatë operacionit, qytetet Jarablus, Al-Rai, Dabiq, Qabasin dhe Al-Bab u çliruan nga terroristët.
