Ministri i Jashtëm i Kinës, Wang Yi, ka thënë se pretendimet se vendi i tij po kryen gjenocid ndaj ujgurëve etnikë myslimanë janë "qesharake dhe absurde" dhe "tërësisht gënjeshtër".
Wang Yi i bëri këto komente gjatë konferencës së tij vjetore të dielën, raporton BBC.
"E ashtuquajtura 'gjenocid' në Xinjiang është qesharake dhe absurde. Është një nga thashethemet me motive të fshehta dhe tërësisht gënjeshtër", citohet të ketë thënë Wang Yi.
Deklarata vjen në mes të provave në rritje të abuzimeve në "kampet e riedukimit" për ujgurët në provincën Xinjiang.
Kina është akuzuar nga shumë shtete, përfshirë SHBA-në, për kryerjen e sterilizimeve të detyruara ndaj grave ujgure dhe ndarjen e fëmijëve nga familjet e tyre
Hetimet e BBC treguan se ujgurët po përdoren për punë të detyruara dhe kanë zbuluar akuza për përdhunim dhe torturë sistematike. Kina i ka ndaluar hetimin televizionit BBC mbi mbulimin e korporatës për çështjen ujgur dhe mbi koronavirusin.
KB thotë se të paktën një milion anëtarë të pakicës myslimane po mbahen në kampe, për të cilat Kina thotë se ofron trajnim profesional dhe që synon çrrënjosjen e ekstremizmit.
Por, të dy sekretarët aktualë dhe ish-sekretarët e Shteteve të Bashkuara e kanë përshkruar trajtimin e Kinës ndaj ujgurëve si gjenocid, ashtu si parlamentet kanadeze dhe holandeze.
Akuzat kanë nxitur thirrje në disa vende për të bojkotuar Lojërat Olimpike Dimërore 2022 në Pekin.
