Përleshje gjatë protestës anti-Izrael në Jordani

Azia

Përleshje gjatë protestës anti-Izrael në Jordani

Më: 14 maj 2021 Në ora: 21:40
Jordani

Forcat policore janë përleshur të premten me protestuesit anti-Izrael në jug të Jordanisë, të cilët kanë vërshuar rrugët për ta shprehur pakënaqësinë ndaj aksioneve ushtarake të Izraelit në Gazë.

Policia ka përdorur gazin lotsjellës për t’i shpërndarë demonstruesit e shumtë që kanë marshuar në drejtim të kufirit me Gazën.

Marshuesit kanë bërë thirrje për çlirimin e Palestinës dhe për zhdukjen e Izraelit. Ata kanë kërkuar gjithashtu që Mbreti Abdullah ta pezullojë marrëveshjen e paqes të arritur me Izraelin dhe që t’i hapë dyert për xhihad.

Vetë Mbreti i kishte dënuar më herët veprimet e Izraelit ndaj palestinezëve, shkruajnë mediat e huaja.

Gjatë gjithë së premtes, në qytete të shumta jordaneze janë organizuar protesta në mbështetje të kauzës palestineze derisa në Gazë kanë vazhduar bombardimet midis forcave izraelite dhe “Hamasit”.

commentFirst article
Sot mund të lexoni Shfletoni kopertinat