Për palestinezët që humbën të dashurit e tyre në luftimet midis militantëve të Gazës dhe Izraelit dy muaj më parë, ka pak arsye për festime gjatë festës myslimane të Kurban Bajramit.
E njohur si Festa e Sakrificës, ajo tregon përkushtimin ndaj Zotit. Festa, që përkon me Haxhin, pelegrinazhin vjetor Islam në Mekë, fillon të martën dhe myslimanët tradicionalisht në këtë ditë bëjnë kurban dele ose lopë si dhe shkëmbejnë dhurata.
Për festivalin katër-ditor të këtij viti, Mahmoud Issa, një mësues 73-vjeçar në pension, bleu rroba të reja për nipërit e mbesat e tij dhe i çoi në një fermë për të zgjedhur një kafshë për të therur.
Por ai vajton për vdekjen e vajzës së tij Manar, 39, dhe vajzës së saj, Lina 13, për të cilën ai tha se u vranë nga një raketë izraelite që shkatërroi shtëpinë e tyre në kampin e refugjatëve Bureij më 13 mMj. Tre fëmijët e tjerë të Manar mbijetuan.
2,200 shtëpi u shkatërruan dhe 37,000 u dëmtuan nga bombardimet izraelite gjatë 11 ditëve të luftimeve ndërkufitare në Maj. Më shumë se 250 palestinezë u vranë në qindra sulme ajrore izraelite në Gaza që u nisën pasi Hamasi filloi të gjuante me raketa Izraelin në shenjë hakmarrjeje për atë që grupi tha se ishte abuzim i të drejtave kundër palestinezëve në Jeruzalem. Trembëdhjetë njerëz u vranë në Izrael gjatë breshërive me raketa që prishën jetën dhe dërguan njerëz që vrapojnë për strehim.
Në tregjet e bagëtive në Gaza, mbarështuesit dhe fermerët raportuan shitje të dobët përpara festës. Blerjet po ashtu janë të pakta për shkak edhe të kufizimeve të shtrënguara të kufirit të vendosura nga Izraeli dhe Egjipti.
