Emiratet e Bashkuara Arabe gjithmonë janë karakterizuar për temperaturat përvëluese të cilat shkojnë deri në 50 gradë Celsius.
Prandaj edhe Dubai i është drejtuar teknologjisë për të ndihmuar në ndryshimin e situatës dhe për të freskuar sado pak qytetarët e këtij vendi. Ata arritën të krijojnë me sukses shi të rremë në përpjekje për të trajtuar temperaturat e larta të qytetit.
Përmes dronëve shkencëtarët kontrolluan motin duke ndikuar te retë dhe krijuan me sukses një rebesh shiu, rebesh i cili mesa duket ka dalë paksa nga kontrolli.
Duke qenë se shiu është një mrekulli që mund të ndodhë në Dubai shoferët e automjeteve nuk janë mësuar me këtë situatë dhe me rrugët e lagështa.
Prandaj dhe autoritetet kanë paralajmëruar shoferët që të jenë vigjilent dhe të tregojnë kujdes në rrugët e rrëshqitshme për të parandaluar kështu aksidentet.
Krahas shiut, u parashikuar edhe erëra të forta dhe të gjithë studiuesit shpresojnë që retë do të mund të qetësojnë paksa temperaturat e larta të vendit.
