Të paktën 136 persona kanë humbur jetën në Indi pasi shirat e rrëmbyeshëm shkaktuan rrëshqitje dheu duke përmbytur zonat përreth.
Të paktën 38 persona humbën jetën në Taliye, 180 kilometra në juglindje të Mumbai.
27 viktima janë raportuar në Satara në 48 orët e fundit. Më shumë se 10 persona kanë humbur jetën në rrethin e Ratnagiri. Grupet e kërkim-shpëtimit janë ende në terren, në kërkim të personave të mbijetuar, por moti i keq që vijon në vend ka vështirësuar punën.
Meteorologët në vend kanë bërë me dije se reshjet e shiut do të vazhdojnë edhe për disa ditë.
