Policia tajlandeze ka kryer bastisje në një prej COVID spitaleve në jugperëndim të Bangkokut, pasi që pacientët kanë kryer orgji, e gjithçka ndodhi si rezultat i përdorimit të drogës.
Policia u telefonua nga infermieret e shokuara, që pretendonin se kanë parë burra e gra duke u futur tinëzisht në dhomat e njëri-tjetrit.
Gjithçka ndodhi në një spital “të hapur” që ka mijëra shtretër dhe gjendet në Samut Prakan në periferi të Bangkokut.
Mjekët që vazhdimisht kontrollojnë kamerat e sigurisë, kanë bërë të ditur se disa pacientë kanë marrë ilegalisht ilaçe të ndryshme dhe kanë marrë pjesë në orgji.
Autoritetet kanë paralajmëruar pacientët për të cilët besohet se ishin përfshirë në aktivitete ilegale, se do të dërgohen në një qendër tjetër nëse diçka e ngjashme përsëritet.
“Në spital kemi caktuar personel të caktuar që vazhdimisht do të patrullojë dhe vëzhgojë pacientët. Por këtë nuk kemi mundur ta bëjmë vetëm. Kemi kërkuara nga pacientët të respektojnë rregullat në spital. Infermieret dhe mjekët që kujdesen për ta, punojnë shumë”, ka thënë kryetari i provincës Samut Prakan.
Raportohet se pacientët kishin kontrabanduar drogë nga njerëzit jashtë spitalit. E përveç konsumit të lëndëve narkotike, pacientët e padisiplinuar kanë organizuar bixhoz brenda spitalit që në fund ka rezultuar me rrahje.
Ishte sërish personeli mjekësor që është detyruar t’ua shërojë plagët pacientëve të përfshirë në rrahje. Në anën tjetër, policia po heton rastin e kontrabandimit të drogës dhe cigareve.
