Mbreti i Jordanisë, Abdullah II hodhi poshtë të hënën një rrjedhje të të dhënave mbi pronat e tij luksoze jashtë vendit si mashtruese dhe të shtrembëruara, duke thënë se ato nuk janë sekret dhe se nuk janë përdorur fonde publike për t’i blerë ato.
Sipas mediave të huaja, ato “nuk publikohen nga shqetësimet e sigurisë dhe privatësisë, dhe jo nga fshehtësia ose një përpjekje për t’i fshehur ato”, ka thënë gjykata mbretërore në një deklaratë.
Një hetim tha se Abdullah bleu fshehurazi 14 shtëpi luksoze midis 2003 dhe 2017, përmes kompanive të regjistruara në “parajsat tatimore”.
Siç është thënë më tej, pronat në Shtetet e Bashkuara dhe Britani vlejnë më shumë se 106 milionë dollarë.
Hetimi i Pandora Papers, i kryer nga Konsorciumi Ndërkombëtar i Gazetarëve Hulumtues, zbuloi sesi qindra krerë shtetesh, politikanë dhe figura të shquara kanë pasuri në llogaritë offshore, fondacione të fshehta ose “kompani guaskë”.
“Gjykata Mbretërore Hashemite refuzon kategorikisht të gjitha raportet që kanë shtrembëruar faktet dhe kanë paraqitur informacione mashtruese dhe përfundime të paargumentuara, dhe ajo ruan të drejtën e saj për të ndërmarrë procedurat e nevojshme ligjore”, citohet të ketë thënë pallati.
Ai shtoi se pronat e Abdullahut në SHBA dhe Britani përdoren për vizita private në familje ose për të pritur zyrtarë dhe personalitete të huaja.
Këto shtëpi u blenë nga fonde private dhe nuk kanë asnjë lidhje me buxhetin e shtetit ose ndihmën ndërkombëtare të dhënë për mbretërinë, vuri në dukje pallati.
