Presidentja e Tajvanit: Nuk do t’i nënshtrohemi presionit të Pekinit

Azia

Presidentja e Tajvanit: Nuk do t’i nënshtrohemi presionit të Pekinit

Më: 10 tetor 2021 Në ora: 09:35
Presidentja e Tajvanit, Tsai Ing-wen

Presidentja e Tajvanit, Tsai Ing-wen, ka thënë se vendi i saj nuk do t’i nënshtrohet presionit nga Kina dhe do të vazhdojë mënyrën e saj demokratike të jetës, ndërsa tensionet mbi ishullin vazhdojnë.

“Sa më shumë që arrijmë, aq më i madh është presioni me të cilin përballemi nga Kina”, është shprehur ajo.

Fjalimi i saj në Ditën Kombëtare të Tajvanit erdhi pasi Presidenti i Kinës, Xi Jinping, u zotua se do të përmbushë ribashkimin.

Tajvani e konsideron veten një shtet sovran, ndërsa Kina e shikon atë si një provincë të shkëputur, shkruan BBC.

Pekini nuk ka përjashtuar përdorimin e mundshëm të forcës për të arritur bashkimin.

Kina ka dërguar një numër rekord avionësh ushtarakë në zonën e mbrojtjes ajrore të Tajvanit ditët e fundit. Disa analistë thanë se fluturimet mund të shihen si një paralajmërim për presidenten e Tajvanit.

Sot mund të lexoni Shfletoni kopertinat