Në çerdhen e xhihadistëve Raka kanë mbetur të ngujuar 50 mijë civilë, njoftuan sot Kombet e Bashkuara.
Organizata ka tërhequr vërejtjen se banorët po përballen me mungesë të ujit dhe ushqimeve, për shkak të rënies së rezervave.
“Kombet e Bashkuara vlerësojnë se ndërmjet 30.000 dhe 50.000 njerëz kanë mbetur të ngujuar në qytetin Raka”, tha në Gjenevë zëdhënësi i UNHCR Andrej Maheçiq.
Sipas tij, kjo shifër është më e ulët se sa ajo prej 100 mijë civilëve sa ishin të ngujuar kah fundi i qershorit, transmeton AFP.
