Pak pasi Koreja Veriore e shkrepi një raketë balistike e cila fluturoi mbi Japoninë, Koreja Jugore dhe Shtetet e Bashkuara janë pajtuar të konsiderojnë sanksione më të ashpra ndaj Veriut, njofton Koreja Jugore.
Sekretari i Shtetit i SHBA-së, Rex Tillerson, dhe ministri i Jashtëm i Koresë Jugore, Kang Kyung-ëha, janë pajtuar të diskutojnë vendosjen e sanksioneve më të ashpra ndaj Koresë Veriore.
Ndërkohë, zëdhënësi i Zyrës Presidenciale të Koresë Jugore, Yoon Yong-chan, ka thënë se aeroplanët luftarakë të Koresë Jugore kanë mbajtur stërvitje bombarduese.
Në anën tjetër, agjencia e lajmeve e Jugut, Yonhap, i ka cituar burime të paidentifikuara duke thënë se ushtria amerikane është duke konsideruar dërgimin e aseteve strategjike në gadishullin korean.