Përmbytjet në Indi, shpëtohen 22.000 persona - Bota Sot
Përmbytjet në Indi, shpëtohen 22.000 persona

Azia

Përmbytjet në Indi, shpëtohen 22.000 persona

Më: 21 gusht 2018 Në ora: 08:26
Permbytjet ne Indi

Rreth 22.000 persona të bllokuar si pasojë e përmbytjeve dhe rrëshqitjeve të dheut të shkaktuara nga shirat monsun, që goditën shtetin federal indian Keral, janë shpëtuar.

Reshjet e rrëmbyeshme shkaktuan daljen e lumenjve duke dëmtuar infrastrukturën rrugore, ndërsa banorët e Keral-it, me helikopterë dhe varka i shpëtuan mbrojtja civile, peshkatarët dhe ushtarët, lajmëron BBC.

Njerëzve të prekur u janë siguruar ndihma në formë ushqimi dhe nevoja të tjera.

Kryeministri i Kerala-s, Pinarayi Vijayan, tha se rreth 5.645 qendra pritëse kanë strehuar 725.000 njerëz.

“Hindustan Times” lajmëroi se nga 8 gushti në Kerala si pasojë e reshjeve të rrëmbyeshme kanë humbur jetën rreth 240 persona dhe 370 që nga qershori, kur filloi sezoni i reshjeve monsune.

Në shtatë shtete indiane gjatë sezonit të monsunit këtë vit vdiqën më shumë se 1.000 njerëz.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...