Irani dhe Siria nënshkruajnë marrëveshje për bashkëpunim ushtarak - Bota Sot
Irani dhe Siria nënshkruajnë marrëveshje për bashkëpunim ushtarak

Azia

Irani dhe Siria nënshkruajnë marrëveshje për bashkëpunim ushtarak

Më: 27 gusht 2018 Në ora: 09:28
Ushtarë iranianë, ilustrim.

Irani dhe Siria kanë nëshkruar një marrëveshje për bashkëpunim ushtarak në një takim në mes të ministrave të Mbrojtjes së të dy shteteve në Damask, ka njoftuar agjencia e lajmeve Tasnim, transmeton Reuters.

Ministri iranian i Mbrojtjes, Amir Hatami ka udhëtuar në Damask të shtunën, në një vizitë dyditore për të takuar presidentin sirian, Bashar al-Assad dhe zyrtarë tjerë të lartë ushtarakë.

Forcat iraniane kanë mbështetur Assadin në luftën civile të shtetit të tij.

Tasnim nuk ka raportuar për detaje të marrëveshjes për bashkëpunim ushtarak.

Këshilltari amerikan për Siguri Kombëtare, John Bolton ka thënë javën e kaluar se Irani duhet të largojë forcat e tij nga Siria.

Zyrtarë të lartë iranianë kanë thënë se prezenca e tyre në Siri është pasojë e ftesës së Qeverisë së Assadit dhe se nuk kanë ndonjë plan rreth tërheqjes nga ky shtet.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...