OKB: Idlibi mund të përballet me katastrofën më të keqe në këtë shekull - Bota Sot
OKB: Idlibi mund të përballet me katastrofën më të keqe në këtë shekull

Azia

OKB: Idlibi mund të përballet me katastrofën më të keqe në këtë shekull

Më: 10 shtator 2018 Në ora: 17:39
Idlib, Siri

Një zyrtar i lartë i Kombeve të Bashkuara paralajmëroi të hënën se ofensiva në provincën Idlib të Sirisë mund të çojë në humbjet më të mëdha të jetëve në këtë shekull.

Raportohet se forcat qeveritare siriane po përgatiten për sulme nga toka dhe ajri për të rikthyer kontrollin e enklavës së fundit që mbajnë rebelët.

Nënsekretari për çështje humanitare i OKB-së, Mark Lowcock, i bëri komentet në Gjenevë, pak ditë pasi Irani dhe Rusia shprehën mbështetje për fushatën ushtarake në Idlib, pavarësisht thirrjeve të Turqisë për armëpushim.

Forcat qeveritare, të mbështetura nga Rusia dhe Irani, i kanë grumbulluar trupat për javë të tëra, në përgatitje të ofensivës.

Ato kanë lëshuar fletushka në zonë, duke iu bërë thirrje rebelëve të dorëzojnë armët, në të kundërtën kanë thënë se do të përballen me një "ofensivë dërrmuese".

"Duhet të gjenden mënyra për të trajtuar këtë problem në mënyrë që ai të mos i shndërrojë muajt e ardhshëm në Idlib në katastrofën më të keqe humanitare, me humbjet më të mëdha të jetëve në shekullin 21", u tha Lowcock gazetarëve në Gjenevë.

Më shumë se 3 milionë njerëz jetojnë në Idlib; pothuajse gjysma e tyre janë zhvendosur nga luftimet në vende të tjera në Siri.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...