Arrestohet djali i ish-presidentit egjiptian, Morsi - Bota Sot
Arrestohet djali i ish-presidentit egjiptian, Morsi

Azia

Arrestohet djali i ish-presidentit egjiptian, Morsi

Më: 10 tetor 2018 Në ora: 14:42
Ahmed Morsi

Forcat egjiptiane të sigurisë në shtëpinë e tij në Kajro kanë arrestuar Abdullah Morsi, djalin e ish-presidentit të burgosur Mohamed Morsi, i cili u përmbys në një grusht shteti ushtarak në vitin 2013.

Duke folur për AA, Ahmed Morsi, djali më i madh i ish-presidentit, konfirmoi se vëllai i tij Abdullah është arrestuar nga personeli i sigurisë.

“Ne ishim të befasuar këtë mëngjes kur persona të paidentifikuar hynë në shtëpinë tonë në qarkun Sheikh Zayed dhe arrestuan vëllain tim”, tha Ahmed.

Familja, shtoi ai, ende nuk është në njohuri për vendndodhjen e Abdullahut.

Autoritetet egjiptiane, nga ana e tyre, ende nuk kanë komentuar mbi arrestimin e raportuar ose pretendimet e familjes Morsi.

Shfaq komentet
comments powered by Disqus
Sot mund të lexoni Shfletoni kopertinat