Indi, ceremoni madhështore për statujën më të madhe në botë - Bota Sot
Indi, ceremoni madhështore për statujën më të madhe në botë

Azia

Indi, ceremoni madhështore për statujën më të madhe në botë

Më: 31 tetor 2018 Në ora: 19:06
Foto

India ka prezantuar statujën më të madhe në botë, e cila ka kushtuar 430 milionë dollarë për t’u ndërtuar dhe është 182 metra e lartë.

E ngritur në qytetin perëndimor Gujarat, statuja nderon udhëheqësin indian të Pavarësisë, Sardar Vallabhbhai Patel.

Kryeministri Narendra Modi tha se “Statuja e unitetit” do të shërbejë si një atraksion i madh turistik. Megjithatë, banorët lokalë kanë thënë se ky projekt përbën keqmenaxhim të parave publike dhe se fondet do të mund të shpenzoheshin më mirë.

Modi, që ka zbuluar statujën në një ceremoni madhështore, ka thënë se ajo do të jetë “simbol i integritetit të Indisë”. Avionë ushtarakë kanë hedhur lule mbi statujën e dizenjuar nga skulptori indian, Ram V Sutar.

Policia ka angazhuar mijëra zyrtarë që të rrethojnë zonën e statujës, për shkak të protestave të dhunshme ditën e martë.

Zona e statujës është kthyer në pikë kyçe për fermerët lokalë, që janë duke kërkuar kompensim për tokën që ka marrë qeveria për një mori projektesh, duke përfshirë edhe tokën ku është vendosur statuja.

“Statuja e Unitetit” peshon rreth 67 mijë tonë dhe është ndërtuar në mënyrë që t’u rezistojë erërave dhe tërmeteve. Më shumë se 2.000 punëtorë në total, bashkë me qindra kontribues nga Kina, janë angazhuar në ndërtimin e saj.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...