Sulmet ajrore në Gaza, Izraeli godet televizionin palestinez

Azia

Sulmet ajrore në Gaza, Izraeli godet televizionin palestinez

Më: 13 nëntor 2018 Në ora: 06:24
Gaza

Palestinezët në Gaza hodhën raketa dhe mortaja në Izraelin jugor të hënën, duke nxitur këta të fundit që të fillojnë sulmet ajrore hakmarrëse, një ditë pasi një inkursion izraelit nxiti luftime vdekjeprurëse në enklavë.

Tre sulmues palestinezë u vranë gjatë sulmeve ajrore, thanë grupimet e tyre. Avionët luftarakë shkatërruan gjithashtu ambientet e Televizionit Al-Aksa të Hamasit, tha ushtria izraelite.

Në anën izraelite të kufirit, një raketë shkatërroi një autobus, duke plagosur një ushtar dhe granatat goditën disa shtëpi, ndërsa banorët ikën në qendra strehimi, thanë autoritetet.

Sulmet ajrore mes palëve “hodhën një re të zezë” mbi përpjekjet e Egjiptit, Katarit dhe Kombeve të Bashkuara për të ndërmjetësuar një armëpushim afatgjatë midis Izraelit dhe Hamasit, grupit dominant islamik në Gaza.

Të dielën, kryeministri izraelit Benjamin Netanjahu tha se shpresonte të arrinte një “marrëveshje” për të shmangur një konflikt tjetër dhe për të lehtësuar vështirësitë ekonomike të Gazës, të izoluara nga Izraeli.

commentFirst article
Sot mund të lexoni Shfletoni kopertinat