Afganistan: 20 persona të vrarë si pasojë e sulmit të talibanëve - Bota Sot
Afganistan: 20 persona të vrarë si pasojë e sulmit të talibanëve

Azia

Afganistan: 20 persona të vrarë si pasojë e sulmit të talibanëve

Më: 26 nëntor 2018 Në ora: 10:41
Zyrtarë policorë në Afganistan.

Të paktën 20 zyrtarë policorë janë vrarë në Afganistan, pasi vetura e tyre është sulmuar në provicën perëndimore Farah, kanë thënë zyrtarët.

Zëdhënësi i policisë për këtë provincë, Muhebullah Muheb, i ka thënë Radios Evropa e Lirë se shefi i ri i policisë së zonës, Lash-e Juwayn ka qenë në mesin e personave të vrarë në sulmin e 26 nëntorit.

Talibanët kanë thënë se janë përgjegjës për këtë sulm.

Ndërkohë, një zëdhënës i spitalit është cituar të ketë thënë se si pasojë e sulmit në këtë institucion janë dërguar rreth 22 trupa.

Vetura e policisë është përfshirë nga flakët pasi ishte nisur drejt zonës, Lash-e Juwayn për prezantimin e shefit të ri të policisë, ka thënë anëtari i këshillit të kësaj province, Abdul Samad Salehi.

Zëdhënësi i talibanëve, Qari Yousuf Ahmadi ka pretenduar se katër makina janë shkatërruar në sulm dhe një numër i madh i armëve janë konfiskuar.

Farah, është provincë e populluar në kufi me Iranin, zonë në të cilën talibanët kontrollojnë pjesë të mëdha të territorit.

Vetëm gjatë këtij muaji, nga sulmet e talibanëve në këtë provincë kanë vdekur më shumë se 100 zyrtarë policorë dhe ushtarë afganë.

Forcat e sigurisë afgane janë përballur me talibanët dhe grupe tjera militante prej tërheqjes së numrit më të madh të trupave të NATO-s nga ky shtet më 2014.

Presidenti i Afganistanit, Ashraf Ghani ka thënë gjatë këtij muaji se gati 29,000 policë dhe ushtarë afganë janë vrarë nga fillimi i vitit 2015, periudhë në të cilën autoritetet afgane kanë marrë përgjegjësinë për sigurinë e shtetit.

Gjatë po kësaj periudhe, ai ka thënë se janë vrarë edhe 58 amerikanë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...