Bordi i FIFA-s kërkon që gratë iraniane të lejohen në stadiume futbolli - Bota Sot
Bordi i FIFA-s kërkon që gratë iraniane të lejohen në stadiume futbolli

Azia

Bordi i FIFA-s kërkon që gratë iraniane të lejohen në stadiume futbolli

Më: 27 nëntor 2018 Në ora: 12:02
Selia e FIFA-s në Cyrih

Bordi këshillëdhënës për të drejta të njeriut i Federatës Botërore të Futbollit (FIFA) i bëri thirrje kësaj organizate që të caktojë një afat kohor, kur do të përfundojë ndalesa që pengon gratë iraniane të ndjekin ngjarjet sportive të meshkujve.

"FIFA duhet të jetë e qartë, duke i dhënë Federatës iraniane të Futbollit një afat kohor për t'u pajtuar dhe duke e paralajmëruar atë për sanksione nëse nuk e respekton”, thanë ekspertët për të drejta të njeriut të FIFA-s.

Gratë në Iran nuk lejohen të hyjnë në stadiumet e futbollit që nga Revolucioni Islamik i vitit 1979.

Konservatorët thonë se ndalesa i mbron ato nga të dëgjuarit e gjuhës së papërshtatshme dhe nga të parit e sportistëve meshkuj me uniforma që u zbulojnë pjesë të trupit.

Aktivistët e të drejtave të njeriut e cilësojnë ndalesën si një shembull të diskriminimit gjinor në Republikën Islame.

Bordi këshillëdhënës i FIFA-s tha se presidenti i Iranit, Hassan Rohani, ka premtuar “zhvillime pozitive në këtë çështje në të ardhmen e afërt”.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...