Trajneri i Prishtinës, Fidan Shatri, nuk rri duarkryq, por kërkon sa më shumë përforcime për pjesën e dytë të kampionatit, që të luftojnë për titullin e kampionit. “KB Prishtina Femrat ka paraqitur për regjistrim lojtaret ndërkombëtare Braennan Ferrar dhe Latesha Buck nga SHBA te cilat së fundi janë paraqitur në Kolegjet Amerikane. Lojtaret e lartpërmendura mund të regjistrohet në FBK dhe të paraqitet për KB Prishtina Femrat pas plotësimit të kritereve në bazë të Rregullores mbi regjistrimin e lojtarëve në FBK”, bëhet e ditur nga FBK.
