Z Mobile Prishtina pas shortit të tërhequr të enjten në Munih e ka mësuar emrin e kundërshtarit të saj në Top 16 të FIBA Europe Cup. Pallacanestro Varese nga Italia do të jetë rivali i radhës i Z Mobile Prishtinës, me ndeshjen e parë që do të luhet në kryeqytetin e Kosovës më 6 mars, dhe më pas me ndeshjen e kthimit që do të luhet me 13 mars në Itali. Skuadra që do të shënoj rezultatin më të mirë nga dy ndeshjet do të avancoj për në çerekfinale të FIBA Europe Cup.
Duhet theksuar se Z Mobile Prishtina të mërkurën mbrëma në Pallatin e Rinisë dhe Sporteve në Prishtinë e ka mposhtur ekipin turk Pinar Karsiyaka me rezultat 82:78. Me këtë fitore dhe në një atmosferë mbresëlënëse të krijuar nga tifozët e pranishëm në palestër skuadra nga kryeqyteti e ka siguruar një vend në mesin e 16 skuadrave më të mira të FIBA Europe Cup dhe kështu e ka arritur asnjë sukses që kurrë më parë nuk e ka arritur një klub shqiptar në garat ndërkombëtare.
Çiftet e TOP 16 të FIBA Europe Cup
Donar Groningen-Filou Oostende
Pinar Karsiyaka-Ventspils
Alba Fehervar-Telekom Baskets Bonn
Ironi Ness Ziona-Bakken Bears
Balkan BC-UNET Holon
Dinamo Sassari-ZZ Leiden
Pallacanestro Varese-Z Mobile Prishtina
